HETELek LKS enpresarekin duen lankidetza indartu du, HETELen informatikako prestakuntza-zikloetako ikasleen gaitasun teknikoak eta zeharkakoak hobetzeko. Aste honetan inauguratu da Zabalburu ikastetxean lehen enpresa-gelaren hirugarren edizioa, unibertsitateetan ezarritako eredua Lanbide Heziketari egokituz. Ekimen hau informatikako prestakuntza-zikloetako ikasleei zuzenduta dago bereziki, sektore digitalaren erronkei eraginkortasunez heltzeko helburuarekin. LKS enpresak ikasturte-amaierara arte, , enpresa horretako profesionalen tutoretzarekin, LKS proiektuetan arituko diren lehen mailako Lea Artibai eta Zabalburu ikastetxeko 8 ikasle hautatu ditu. Datorren ikasturtetik aurrera, hautatutako pertsona hauek HETELeko ikastetxeetako eskoletan eta LKS enpresan egonaldia konbinatuko dute, Dual ereduari jarraituz. Gure asmoa da eredu hau sektore eta enpresa gehiagotara hedatzea etorkizunean. Abantean!
Etiketa: Duala
ITALIAREKIKO LANKIDETZA INDARTUZ
HETELen egoitzako 3 pertsona Erromara joan dira ELIS Lanbide Heziketako ikastetxea eta Eataly enpresa bisitatzera #erasmusplus beka bati esker. Mundu osoan ezarrita dagoen enpresa horrek Dualeko ikasleak hartzen ditu. Gainera, José Ignacio Eguizabal EGIBIDEko zuzendari ohi eta gaur egun JRSko Nazioarteko Zuzendariondokoa denarekin biltzeko aukera izan dute, etorkizuneko lankidetza-aukerak aztertzeko. Gainera, bidaia honek Italiako Lanbide Heziketako sistema hobeto ezagutzeko balio izan du.
HETEL – LKS Gelaren bigarren edizioa
HETELek indartu egiten du LKS Next enpresarekin duen lankidetza, HETELen informatikako heziketa-zikloetako ikasleen gaitasun teknikoak eta zeharkakoak hobetzeko, sektore digitalaren erronkei eraginkortasunez heltze aldera. Ildo horretan, gaur goizean, Somorrostro ikastetxean, Euskal LHko lehen enpresa-gelaren bigarren edizioa inauguratu da, unibertsitate jakin batzuetan urteak funtzionamenduan daramatzan eredua egokituz, baina eredu hori demokratizatuz, unibertsitatean gertatu ohi den bezala, eskola edo fakultate bateko ikasleentzat ez ezik, HETEL ikastetxe-sare osoko informatikako ikasleentzat eskuragarri izan dadin. Gaur abian jarritako bigarren edizio honetan, LKS Next enpresak goi-mailako zikloko lehen mailako ikasle-talde bat hautatu du, eta ikasturte amaierara arte 128 ordu emango dituzte LKS Next proiektuetarako, enpresa horretako profesionalek tutorizatuta. Lehen fase hori amaitu ondoren, eta datorren ikasturtetik aurrera, hautatutako pertsonek eskolako klaseak eta LKS Next-eko egonaldia konbinatuko dituzte, beren prestakuntza dualaren zati gisa. HETELen asmoa eredu hori etorkizuneko sektore eta enpresa estrategiko gehiagotara hedatzea da, kalitatezko Lanbide Heziketarekiko interesa erakuts dezaten. Abantean!