Jokin Goioaga, Politeknika Txorierriko elektrizitate eta elektronika saileko koordinatzailea, eta Anabel Menica, nazioartekotzearen arduraduna, Albako (Italia) APRO Formazione Lanbide Heziketako zentroan izan dira, ikasleen mugikortasunean eta berrikuntza proiektuetan lankidetza aukerak aztertzeko. APROn izandako hiru egun hauetan aukera izan genuen: – Bi zentroak aurkeztea – APRO irakasleekin hezkuntzan IoT laborategiak ezartzeko saio praktikoetan parte hartzea – B & B Automation s.r.l. eta Spin s.n.c. enpresak bisitatzea. – Erasmus+ KA1 eta KA2 proiektuetan etorkizunean lankidetzan aritzeko aukerei buruz hitz egitea. Jokin Goioagak, IKTko arduradun eta HETELeko IKTko lantaldeko partaide den aldetik, talde horretako kideekin partekatuko du jasotako informazioa.

HETELen, Bizkaiko Foru Aldundiko Ekonomia Sustapen Sailaren laguntzarekin, proiektu bat garatzen ari gara Bizkaiko 5 enpresa txikirekin, Lanbide Heziketako ikasgeletan erabiltzen dugun elkarlaneko ikaskuntzaren metodologia hauen egunerokotasunera eramaten saiatuz. Horretarako, enpresa horietan dauden LH dualeko ikasleak ditugu. Pertsona horiek lantaldeak koordinatu eta gidatuko dituzte, eta metodologia hori erabiliz, enpresaren benetako arazo bat konpontzen saiatuko dira. Identifikatutako arazoak askotarikoak dira (panel-aldagailu automatizatu bat programatzetik edo prentsa baten materialen horniduraren kudeaketa hobetzetik, orga jasotzaileen osagarrien biltegiratzea kudeatzeraino), eta horrek are interesgarriagoa egiten du proiektua. 5 ikasleek gidatu beharko duten erronkaren garapena abian jarri aurreko prestakuntza jaso dute. Orain garapenarekin hasi behar dute eta ea nola doan. Horretarako, jakina, dagozkien Lanbide Heziketako ikastetxeetako tutoreak izango dituzte. Parte hartzen duten enpresak Delfin Componentes (Sondika), Hirucoat Koop (Galdakao), Vibacar (Gordexola), Laser Bidez (Trapagaran) eta Verybal (Abanto y Zierbena) dira.

Erasmus plus e-VET4AI proiektua abiarazteko bilera 2022ko urtarrilaren 20an egin zen. COVID-19aren pandemiak eragindako bidaia-murrizketen ondorioz, bilera birtualki egin zen, Alemaniako proiektu-koordinatzaileen eta Italia, Espainia, Grezia eta Belgikako gure kideen parte-hartzearekin. Proiektuaren helburua irakaskuntzarako gaitasun digitalak garatzea da, online ikasteko materialak sortzea eta ikasgelan tresna digitalak erabiltzea errazteko. Bazkideek proiektuaren xehetasunak aztertu zituzten, datozen hilabeteetan egingo diren jardueretarako ideiak partekatu zituzten eta proiektuaren ibilbide-orria idatzi zuten. Hitz gutxitan, proiektuko kideek gai hauei buruz eztabaidatu zuten: Proiektuaren helburuak Proiektuaren emaitzak Ezarpen-jarduerak Proiektuaren kronograma, etab. Bazkideek, hurrengo urratsak zehaztu ondoren, proiektuaren emaitzen kalitate altuaren garrantzia adostu zuten eta 2022ko otsailaren 24rako hurrengo bilera programatu zuten.  

Egunotan egin dira aurtengo erdi mailako eta goi mailako lanbide heziketako 117 Erasmus+ HETEL bekadunei zuzendutako hitzaldiak; jatorrizko herrialdeei buruzko informazioa, atzerrian egingo duten egonaldiaren gaineko gomendioak eta Erasmusen dokumentazioari buruzko argibideak emateko. Guztia prest dago ikasleek Europako 9 herrialde ezberdinetako enpresetan 13 asteko praktikaldia egiteko (Alemania, Italia, Kroazia, Irlanda, Errumania, Txekiar Errepublika, Frantzia, Malta eta Polonia). Oinarrizko Lanbide Heziketako ikasleekin hitzaldia hurrengo hilabeteetan egingo da. Kasu honetan, 16 ikasle izango dira maiatzean 4 asteko praktikak Italiako enpresetan egingo dituztenak. Bizipen ahaztezina opa dizuegu!

Eraldaketa digitala bizkortzean Telekomunikazio-sareak funtsezko tresna bihurtu dira, bai hezkuntzaren arloan, bai arlo profesionalean. Testuinguru horretan, HETEL eta Euskaltel Fundazioak bat egin dute SHARE proiektuan. Lau HETEL ikastetxeetako Telekomunikazio- eta informatika-sistemetako (TIS) 40 ikasle (Zabalburu, Egibide, Somorrostro eta Politeknika ikastegia Txorierri), eta erronka bat hilabetez: taldeka lan egitea, beraien ikastetxeetan hainbat aplikazio-zerbitzariren instalazioa garatzeko, kokapen desberdinak dituen enpresa bat simulatuz. Hainbat egoitzatan kokatutako fikziozko enpresa baten sare korporatiboa garatuko dute, eta, horretarako, Euskaltelen laguntza eta esperientzia izango dute, telekomunikazio-operadore gisa. SHARE proiektuaren edizio berri hau aurkezteko online ekitaldian, Julen Elgeta HETELeko presidentea, Aitor Ibarguen Elecnor enpresako langilea, sektorearen joeren gainean hitz egin duena, eta Juan Ignacio García eta Gorka López Somorrostroko ikasle ohiek beraien testigantzak eman dutenak. Amaitzeko, Eder Gomez Zabalburu Ikastetxeko irakasle eta SHARE proiektuaren koordinatzaileak proiektua aurkeztu die parte-hartzaileei. HETELetik Euskaltel Fundazioaren lankidetza eskertzen dugu, eta ikasleak proiektuan aktiboki inplikatzera eta beste ikastetxe batzuetako ikasleekin aktiboki kolaboratzera animatzen ditugu. Abantean!

Julen Elgeta HETELeko presidenteak eta Nora Sarasola BBK Gizarte ekintzako zuzendaria “2020-2021 HETEL ikastetxeetako heziketa-zikloetako laneratze” txostena aurkeztu dute gaur goizean, Lanbide Heziketako bi ikaslerekin batera. Txosten hori 2.500 telefono bidezko inkestaren bidez egin da, 2021eko ekainean ikasketak amaitu dituzten eta 19 familia profesionaletako kide diren HETELeko 25 ikastetxetako ikasleen artean. Dokumentu horretan honakoak zehazten dira: Lanbide Heziketako ikasketak amaitu dituztenen enplegagarritasun-ehunekoa – aurreko urtekoa baino 6 puntu handiagoa dena-, Hziketa ziklo edo arloaren araberako datuak, LH dualaren garrantzia, neskek Lanbide Heziketa industrialean duten pisua, etab. BBKren lankidetzari esker egin ahal izan den ikerketa da, eta iparrorratz bat da, ez soilik Euskadiko LHrako edo HETELerako, baizik eta ikastetxe bakoitzarentzat, etorkizunerako estrategia hedatzeko orduan. Txosten osoa esteka honetan eskuratu dezakezu.https://web.somoscaidalibre.com/wp-content/uploads/2017/03/INFORME_SITUACION_LABORAL_2020-2021_PARA_RDP.pdf

Bizkaiko Foru Aldundiko Enplegu, Gizarteratze eta Berdintasun Sailaren Lan Berri 3R Gaztea programan parte hartuz, gazteen laneratzea bultzatzearen aldeko apustua egiten jarraitzen du HETELek. Proiektuan gure 6 ikastetxek parte hartzen dute (Politeknika Txorierri, Lea Artibai Ikastetxea, Zabalburu ikastetxea, Centro Formación Somorrostro, Maristak Durango eta Sopeña Bilbao), eta, orientazio, aktibazio eta lan-bitartekaritza jardueren bidez, parte-hartzaileen enplegagarritasuna hobetzen laguntzen ari dira. Abantean!

Abenduaren 16an, LKSko Vicente Brizek softwarearen garapena aholkularitza teknologikoaren ikuspegitik hitzaldia eman zien politeknika Txorierri, Maristak Durango, Lea Artibai, Centro Somorrostro, Zabalburu eta Egibide. ikastetxeetako informatika arloko goi-mailako zikloetako ikasleei. LKS enpresarekiko lankidetzan aurrera egiten jarraituko dugu, eta gure zentroen eremu digitaleko prestakuntza bultzatzen. Abantean!