Lanbide Heziketak eskaintzen dituen aukerak ikusarazteko asmoz, Lanbide Heziketako hainbat ibilbide deskribatu dizkiguten ikasleak grabatu ditugu. Beren esperientzien bidez, hezkuntza-aukera horiek gazte gehiagori hurbildu nahi dizkiegu, eta orientazio akademiko eta profesionaleko prozesuan lagundu. Bideo horiek zuzenean erakusten dute nolakoa den prestakuntza, laneratzea eta ikasketa horiek zer eragin izan duten haien bizitzetan. Eskerrik asko zuen erabakiak eta zuen bideak erakutsi eta beste gazte batzuen inspirazio iturri izan zareten guztioi. Mila esker! Ezagutu gazte hauen istorioak eta aurkitu inspirazioa zure etorkizunerako: https://www.youtube.com/playlist?list=PLF1EkTjl9X1Q8Q1Z9usUaxjO1T0A3vuZw
Etiketa: erdi mailako lanbide heziketa
Europako Lanbide Heziketako ikastetxeekin aliantzak sortuz
Aste honetan, Frantziako Pays de la Loire eskualdeko Lanbide Heziketa sareko 3 irakaslek (https://www.urmapaysdelaloire.fr/ ) HETEL bisitatu dute, bi herrialdeetako eskolen artean zubiak eraikitzeko eta, horrela, gure ikasleei nazioartekotzeko aukerak eskaintzeko. Beraiekin Egibide Molinuevo ikastetxean izan gara, Ile-apainketako erdi mailako eta Estetikako goi mailako zikloak bertatik bertara ezagutzeko. Egibide Mendizorrotzako eskola ere bisitatu dugu, eta Ostalaritzako goi mailako ikasleak sukalde artean lanean ikusi ditugu hitzik gabe utzi gaituen menu goxoa prestatzen. Bisita oso ona izan da eta gure ikasleen prestakuntza aberasteko lanean jarraituko dugu. Abantean!