Errealitate birtualaren erabilerak ikasleen ikaskuntzarako abantailak dituela frogatu du: arreta handiagoa denbora luzeagoan, mugarik gabeko iterazioa, ingurune segurua… Eta premisa horiek erabili ditugu Lanbide Heziketako ikasleen bezeroarentzako arreta-gaitasunak lantzeko VR4VET ingurunea garatzeko. Erasmus+ Programak lagundutako eta Gradia College ikastetxe finlandiarrak koordinatutako proiektuak hainbat interakzio-agertoki garatu ditu ostalaritzarekin, ile-apainketarekin eta estetikarekin, enpresen administrazio eta zuzendaritzarekin eta merkataritzarekin lotutako heziketa zikloetan. Danimarkako, Finlandiako, Herbehereetako eta Euskadiko ikastetxeetako Lanbide Heziketako irakasleen arteko pilotajearen ondoren, eta ikastetxe horietako ikasleekin pilotajea amaitzear dagoela, aplikazioa eskuragarri egongo da proiektuaren webgunean (https://blogit.gradia.fi/vr4vet / ) 2025eko azaroan, erabilera eskuliburuarekin batera.
HETELen kasuan, Egibide (Gasteiz) eta Sopeña Bilbao ikastetxeak arduratu dira pilotajea egiteaz, eta lehenak izango dira material horiek lehen aipatutako prestakuntzetan txertatzen.
