Geratzera etorri den programa dugu LH Duala, formula egiaztatua gaitasun teknikoak, baina, batez ere, zeharkakoak eskuratzeko, eta horrez gain, pertsonen enplegagarritasuna handitzeko, Lanbide Heziketako ikasleei lehen lan-esperientzia lortzeko aukera ematen baitie. Pandemiak eragina izan du Euskadiko egoera ekonomikoan. Hala ere, HETEL ikastetxeek ahalegin handia egin dute eta LH dualaren alde egiten jarraitu dute. Ahalegin horren ondorioz, HETEL ikastetxeetako 400 ikasle inguruk ikastetxea eta enpresa uztartuz ikasi ahal izango dute, beka baten edo lehen lan-kontratu baten bidez. HETELetik, ikastetxeek datu horiek lortzeko egindako lana zoriontzen dugu. Abantean!

Jokin Bildarratz Hezkuntza Sailburu berriak, Julen Elgeta HETELen Presidentearekin bilera egin du. Julenek, elkartearen izenean, Sailburu berria zoriondu du eta elkarteak Euskadiko Lanbide Heziketaren alde egiten duen lanaren berri eman dio. HETEL berritzaileak, konprometituak eta solidarioak diren Euskadiko Lanbide Heziketako 26 abantean ikastetxek osaturiko elkartea da. Guztira 10.000 ikasle baino gehiago ditu, eta bere misioa Euskadiko Lanbide Heziketa hobetzea, prestigioa ematea eta zuzentzea da. Horretarako, kalitateko zerbitzu publikoa eskaintzen die ikasleei, enpresei eta, oro har, gizarteari, herrialde-ikuspegi batetik eta nazioarterako begiradarekin.  

HETEL ikastetxeak COVID egoeran ikasturte berria hasteko gomendatzen diren neurri guztiak martxan jarri dituzte. Gaur Goi mailako zikloetako ikasleak hasiko dira. Gogoratu guztion laguntza eta inplikazioa ezinbestekoa dela. Abantean! Esteka honetan HETELen Presidenteak, Julen Elgetak eta Xabier Ametzazurra, Maristak ikastetxeko irakasleak, ikasturte hasierari buruzko erronka batzuk azaldu dituzte Euskadi Irratian  https://labur.eus/XI5nR  Somorrostro ikastetxeko argazkia

HETEL ikastetxeek aurreko urteetan sinatutako hitzarmenez gain, beste 19 akordio sinatu dituzte enpresen epe erdi eta epe luzerako kontratazio beharrizanei erantzuteko helburuarekin. Hitzarmen berriak honako enpresa hauekin sinatu dira: ELTEVIA EUSKADI, S.L. NORAY BIOINFORMATICS, S.L. DESATASCOS ISURBIDE, S.L. MESIMA BILBAO, S.A. MATRIMEK USANSOLO, S.L. MECANIZADOS DE CHAPA URLASER, SLU SOMEK MECANIZADOS NUEVA HERRAMIENTA DE CORTE, S.A. RECO-RECUBRIMIENTOS ELECTROLÍTICOS CALDERERÍA KARRANTZA, S.L. PELUQUERÍA BEGOÑA JIMÉNEZ PELUQUERÍA ILARGI S.L. SHUSI FAST FOOD, S.L. ALVARO BASARRATE, S.A. ARRIAGA ASESORES, S.L. CEDÍN CENTRAL DE INFORMES, S.L. COSMOV HOTEL BILBAO HOTEL CONDE DUQUE HISTOCELL, S.L. BBK fundazioari gure esker ona luzatu nahi diogu proiektu honen bitartez enpresen kontratazio beharrizanei erantzuna ematea ahalbidetu bait digu, ikasleen enplegagarritasuna hobetzearekin batera.  

HETELek Lanbide Heziketa industrial eta teknologikoan emakume kopurua igotzeko konpromisoa bere gain hartu du, hau dela eta, erreferenteen gaia lantzen ari gara. #LHaitzindariak ekimenean egin genuen moduan, gazteei erreferenteak eskaintzeko helburuarekin, FP gertutik proiektua abian jarri dugu bbk fundazioaren laguntzarekin. Konkretuki, Itxasok, Politeknika ikastegia Txorierriko ikasleak, Telekomunikazio eta informatika Sistemetako heziketa zikloan ikasitakoa deskribatzen du. Bideoa esteka honetan eskuragarri daukazue: https://youtu.be/7tmA5V6qIH8 Bigarren bideoan, Nataliak, Salesianos Deustoko ikasleak, Mantenimendu elektronikan ikasitakoa gerturatzen digu. Bideoa esteka honetan daukazue ikusgai: https://youtu.be/TzBK66XRIsw Abantean!

HETELek, bbk fundazioaren laguntzarekin, abenduan #LHaitzindariak bideo lehiaketa martxan jarri zuen. Lehiaketa honen helburua, DBH eta batxilergoko ikasleen artean Lanbide Heziketa teknologikoan eta industrialean dagoen emakume eskasiari buruzko gogoeta sustatzea da, aurreko urtean, #LH aitzindariak ekimenean – bbk eta Euskaltel fundazioen laguntzarekin- garatutako materialez baliatuz (https://web.somoscaidalibre.com/index.php/eu/aitzindariakfp . Mila esker bideoak bidali diguzuen ikasle guztiei! Azkenik, Goierriko Ainhoa, Jon, Aroa eta Mara zoriondu nahiko genituzke beraien bideoa irabazlea izan delako. Zorionak ekipo!

HETELek orientatzaileei, gazteei eta familiei zuzendutako webinarra aurkezten dizu. Bertan, 2020-2021 ikasturterako Euskadiko Lanbide Heziketaren berezitasunak azaltzen dira. Eskaintzen diren informazioen artean, honako hauek daude: heziketa-zikloa ezberdinak, sistema duala, Lanbide Heziketaren laneratzea, lantokiko prestakuntza, nazioartekotzea eta beste batzuk. Julen Elgeta, HETELeko presidentea, izango da hizlaria eta Euskadiko lanbide Heziketa sistema eta HETEL abantean zentroak pixka bat gehiago ezagutzeko behar duzun guztiaren errepasoa egingo du. Webinarra esteka honetan daukazu: https://web.somoscaidalibre.com/index.php/eu/hetel-lh-info . Ez galdu! Honetaz gain, prestakuntza-eskaintzaren web-atala eguneratu dugu, prestakuntza-zikloaen ezagutza errazteko. Orain erraz eta argi ikus dezakezu zer eduki dituzten heziketa-zikloek, zer gaitasun eskuratzen diren, zer lanpostu edo zer baliozkotze izan zenitzakeen. Informazio gehiago: https://web.somoscaidalibre.com/index.php/eu/prestakuntza

Salbuespenezko egoeran gaude, eta gizarte osoaren inplikazioa ezinbestekoa da honi aurre egiteko. Egoera bestelakoa bada ere, HETELen eta bere zentroen balioak berdinak dira, abantean gara, solidarioak, gizartearekin inplikatuak, eta TNIKArekin eta Euskadiko LHko beste ikastetxe batzuekin elkarlanean, HETELeko 15 ikastetxek (Somorrostro, Egibide, Lea Artibai ikastetxea, Zulaibar, Jesuitak Indautxu, Maristak Durango, Zabálburu ikastetxea, Salesianos Deusto, San Viator, Politeknika ikastegiaTxorierri, UGLE, La Salle Berrozpe, Oteitza Lizeo Politeknikoa, Goierri eta Irungo La Salle) 3D inprimagailuak osasun-sistemaren zerbitzura jarri dituzte. Ikastetxe horietan Osakidetzako langileak babesteko biserak egiten hasiak dira, Osakidetzaren eta Tknikaren artean adostutako prototipoei jarraituz. Abantean! Elkarlana! Denon artean lortuko dugu!

Aste honetan La Salle Berrozpe, Deustuko Salestarrak, Egibide, Somorrostro eta Zulaibar Arratiako Lanbide Ikastegia HETEL ikastetxeetako ikasle eta irakasleak Holandan izan dira. Azken 2 hilabeteetan HETEL ikastetxeetako ikasleek ROC Da Vinci Holandako Lanbide Heziketako ikasleekin batera diseinatu dituzten proiektuen aurkezpenak egitera joan dira. Aurten ikasleek harizpi injekziozko makina bat diseinatu dute, nazioarteko lantaldeetan arituz (Holanda – Euskadi), eta Holandan proiektuen aurkezpenak egin dituzte ingelesez 60 pertsonen aurrean (ikasle, irakasle eta enpresetako kideak), egindako lanari buruzko galdera tekniko guztiei erantzunez. Aurkezpenak bukatzean 4 proiektu onenen rankinga egin dute, aurkezpena, planoen kalitatea eta fabrikatzeko erraztasuna irizpideak kontuan izanda. Esperientzia hau bbk eta Vital Fundazioei esker burutu ahal izan dugu. Orokorrean oso aberasgarria izan da ikasle eta irakasleentzat, alderdi teknikoaren aldetik eta batez ere, garapen pertsonalari dagokionez. Duela 4 ikasturte habian jarritako esperientzia honekin jarraitu ahal izateak asko pozten gaitu eta gure ikasleei aukera hau ematen jarraitu nahiko genuke!!

Fabrikazio mekanikoko eta diseinuko zikloetako gure irakaslea, Asier Elejoste, Alemaniako Gifhorn Lanbide Heziketa eskolara egindako bisita batetik itzuli berri da. Bertara gonbidatu dute La Salle Berrozpen material berrien lanketa eta mekanizazioari buruz egindako esperientziei buruzko hitzaldiak emateko; zehazki, banbua material estruktural gisa erabiltzeari buruz, lehiaketa-bizikleten banbuko diseinua eta fabrikazioa lagin gisa erabiliz. Era berean, Euskal Herriko Unibertsitatearekin lankidetzan egiten dituen beste proiektu batzuetako esperientziak partekatu zituen, betiere material berriztagarrien eta ekonomia zirkularraren erabileraren esparruan. Itsasoan hondakinak berreskuratzeari buruzko lanak, gure inguru hurbilean dagoeneko errealitate diren, mikroplastikoak. Oso pozik itzuli da esperientziarekin, eta Alemaniako ikaslego eta irakaslegoa beraien lanean sakonki inplikatutako pertsonak direla ikusi ahal izan du. Azkenean, saio fisiko aplikatu bat inprobisatu zuten, eta, bertan, bizikleta-koadro estatiko zein dinamiko batean eragiten duten ahaleginak eta tentsioak deskonposatu zituzten. Saio horretan, fisikari eta ingeniari alemaniarrek parte hartu zuten, gure irakasleak, eta, jakina, ikasleek.