Kategoria: Albisteak

Eskoziako Dundee and Angus College-ek koordinatzen duen DELTA Erasmus+ proiektuaren esparruan, pasadan astean, HETELeko 3 irakasle (MGEPeko Mikel Garcia, Lea Artibaiko Iagoba Bergara eta Zulaibarreko Arkaitz Bernaola) Alemanian izan ziren, Frankfurten (Oder). Bisitaren helburua Alemaniako LH Duala ezagutzea eta, batez ere, bertako enpresa instruktoreak jasotzen duten prestakuntzaren berri izatea izan da. Alemanian enpresa instruktorea izateko Merkataritza Ganberak ematen duten, Land-ak (estatuak) bermatutako, titulua izatea beharrezkoa da. Hau dela eta, enpresa batek ikasle bat praktiketan edo LH Dualean izan nahi badu, gutxienez titulazio hori duen pertsona bat izan beharko luke (pertsona hau izango baita ikasle hau prestatzeaz arduratuko dena). Enpresak pertsona berriak kontratatzean titulazio hau duten kontutan hartzen dute. Ikasketa bidai honetan, Euskadiko irakasle taldeak, Lanbide Heziketako ikastetxe bat ere ezagutu zuen, Alemanian enpresa eta ikastetxearen arteko harremana nolakoa den ezagutzeko. Honetaz gain, Arcelor Mittal enpresaren eskola bisitatzeko aukera izan zuten, enpresa honek bertan Dualeko ikasleak in company prestatzen ditu. Bisita honetan, enpresako instruktoreak ikaslearen jarraipena eta ebaluazioa nola egiten duen, instruktoreak zelako prestakuntza jasotzen duen eta prestakuntza honek enpresentzat duen garrantziaz jabetzeko aukera izan zuten. Azkenik, irakasle taldeak IHP Frankfurt Oder bistatzeko aukera izan zuten.

Aste honetan, Bilbon, Mobiliteach Erasmus+ proiektuko bilera izan dugu. Proiektu honen helburua irakasleak trebatzea da, hauek, aldi berean, ikasleak nazioarteko ingurunetan lan egiteko hobeto prestatu ditzaten, mobilitate baten bidez edo nazioarteko lantaldetan interakzioan. Ekaineko azken astean irakasleak trebatzeko lehenengo udako eskola Bolonian (Italia) izango da. Bost egun hauetan, prestakuntzak 3 alderdi nagusi izango ditu ardatz moduan: –          –  Kultura arteko komunikazioa –          –  Mugikortasun proiektuen kudeaketa –          – Prestakuntza nazioarteko enpresetan Udako eskola honetan parte hartuko duten irakasle batzuk dagoeneko aukeratuta daude, adibidez, Rosa Nuñez, Nazioarteko harremanetarako arduraduna Zabalburu ikastetxean. Rosak Bilboko bilera honetan parte hartu du eta prestakuntza programa definitzeko oso baliagarriak izan diren aportazioak egin ditu. Mila esker Rosa!

HETELek, Tecnalia, IK4-Azterlan eta IK4-Tekniker teknologia zentroekin lankidetzan, Lanbide heziketako heziketa ziklo ezberdinetan erabili ahal izateko 4.0 materialak sortzeko proiektua habian jarri du. 6 arlo ezberdin aukeratu ondoren (Big Data, zibersegurtasuna, Errealitate areagotua, Fabrikazio gehigarria, gauzen Interneta eta Robotika Kolaboratzailea), Lanbide heziketako irakasle adituak eta zentro teknologikoetako adituak osatutako lantaldeak sortu ditugu. Hasierako jardunaldiko debatean arlo teknologiko bakoitzaren esparrua eta bakoitza goi mailako zein heziketa zikloetan hedatuko den erabaki da.

Aste honetan Budapesten gaude, ROC Leijgraaf ikastetxeak kordinatzen duen inclusive VET proiektuaren azken bileran. Turkia, Finlandia, Holanda, Alemania eta Euskadiko bazkideak 3 urtetan elkarlanean aritu ondoren, Lanbide Heziketan inklusioa errazteko bi emaitza diseinatu, garatu eta pilotatu ditugu. Lehenengo emaitza bereziki ikastetxeetako zuzendaritza taldeei zuzendutako gida bat da. Gida honek, hezkuntza inklusibo bat eraikitzeko, kontuan hartu beharreko alderdiak pausuz pausu lantzen ditu. Gida honen helburua ez da alderdi guzti hauei erantzun bat ematea, ikastetxeetako estrategian inklusioa gehitzeko asmoa duten ikastetxeei habia puntu bat eskaintzea baizik. Bigarren emaitza “All on board” izena duen irakasleen prestakuntzarako manuala da. Manualaren helburua, erakunde batetan inklusioa ezarri ahal izateko langileak garatu beharreko gaitasun eta ezagutzak lantzea da. Gidaren osagarria den manual honek, 5 egunetako prestakuntzaren adibide bat barne hartzen du. Euskadin, HETELen egindako jardunaldi pilotuan Otxarkoaga, Zulaibar, Sopuertako San Viator, Egibide, Goierri, Indautxuko Kimika eta Elektronika eskola eta Göteborg Technical College ikastetxeetako Lanbide Heziketako irakasleak parte hartu zuten. Emaitza bi hauen azken bertsioak hurrengo asteetan zehar eskuragarri izango dira proiektuaren web gunean: http://www.inclusive-vet.eu/ Euskadiko jardunaldian parte hartu zuten irakasleak Budapesteko bileran daude. Lankidetza eta elkarren arteko sorkuntza abantean balorean direlako!

HETELenpresa lantaldeak Lanbide Heziketa ikastetxeak enpresei zerbitzuak eskaintzeko saila sortzeko edo hobetzeko informazioa zabaltzea eta praktika egokiak partekatzea ditu helburutzat. Lantaldearen bilera aprobetxatuz, LAIT 4.0. Europar proiektua aurkeztu zen Oteitza Lizeo Politeknikoan. Proiektu honen baitan enpresei check-up teknologikoak egiteko gida eta tresnak garatu dira, hauen heldutasun digitalaren maila ezagutzeko, industria 4.0.-ari aurre egiteko prest dauden jakiteko, hala nola, enpresek beraien posizioa hobetzeko konponbide teknologikoak proposatzeko. Bilera honetan Oteitza Lizeo Politeknikoa bisitatu, eta inguruko enpresei egindako proiektuak ezagutzeko aukera izan dugu. Enpresekiko abantean erlazio baterantz!

IKASLANek, HETELek eta Parkeen Sareak antolaturiko LH-KO ESPERIENTZIAREN FOROAk gazteen artean LHrekiko interesa piztea du helburu. Horretarako, bisitak egin dituzte Arabako, Bizkaiko eta Gipuzkoako teknologia parkeetako punta-puntako hainbat enpresatara. Batxilergoko 800 bat ikasle hartu ditu Euskadiko Teknologia Parkeen Sareak. HETELek, Parkeen Sarea eta IKASLAN elkartearekin batera antolaturiko jardunaldiak ikasle gazteen artean ikasketa horiekiko interesa piztea du helburu. Horretarako, oso etorkizun hurbilean lantoki izan ditzaketen teknologia enpresetara hurbildu dituzte ikasleak. Hala, Arabako, Bizkaiko eta Gipuzkoako teknologia parkeek bisitaz eta hitzaldiz osatutako aldi bereko programa bat garatu dute, euskal LHaren enplegagarritasun handia erakusteko. Izan ere, batez beste % 80ko enplegagarritasuna dute titulazio horiek guztiek, baina industria zikloen kasuan, % 100era hurbiltzen da. Kopuru horiek giza dimentsioa har dezaten balio izan du foroak, graduatu diren zenbait ikasleren eta gaur egun ikasten ari diren beste batzuen parte hartzeari esker. Horiek azaldu dute zergatik matrikulatu ziren LHan. Horietako batzuk, gainera, Unibertsitate titulua eskuratu eta gero matrikulatzen dira. Horrez gain, prestakuntza dualaren bidez lantokietan praktikak egiteko aukerari esker, etorkizuneko aurreikuspenak nabarmen hobetu zaizkiela eta, areago, esperientzia horrek beren negozioak sortzeko prestatu dituztela azaldu dute. Esperientzia pertsonal horien berri izateaz gain, LHak enpresetan zein ospe ona duen ere egiaztatu ahal izan dute bisitan parte hartu duten ikasleek.

Egunotan egin dira aurtengo 110 Erasmus+ HETEL bekadunei zuzendutako hitzaldiak jatorrizko herrialdeei, Erasmusen dokumentazioari eta beste alderdi orokor batzuei buruzko argibideak emateko. Guztia prest dago erdi mailako 39 ikaslek eta goi mailako 71ek Europako 9 herrialde ezberdinetan 13 asteko praktikaldia egiteko. Bizipen ahaztezina opa diegu guztiei!

Erabaki horretan laguntzeko, gure ikastetxeen ate irekien jardunaldietan parte hartzera gonbidatzen zaitugu. Ikastetxeen prestakuntza eskaintza, proiektuak, instalazioak…ezagutzera etor zaitezke urtero antolatzen ditugun ate irekien jardunaldietan. Data zehatzak mapa honetan kontsultatu ditzakezu:  

HETEL ikastetxeak Bizkaiko Foru Aldundiak diruz lagundutako eta langabetuei zuzenduriko lan gaitasun ikastaro batzuk eskaintzen dituzte. Ikastaro hauek gazteek beraien lan aukerak hobetzeko gaitasunak lortzera bideratuta daude. Leku mugatuak daude, gorde ezazu zurea! IKASTAROA EMANGO DUEN IKASTETXEA PRESTAKUNTZA EKINTZA ORDU KOPURUA HASIERA BUKAERA           ZABALBURU “Aptitudes organizativas: Innovación y Creatividad en el lugar de trabajo” 20 2018/03/12  2018/03/22 “Aptitudes organizativas: Innovación y Creatividad en el lugar de trabajo” 20  2018/04/16  2018/04/26 Iniciativa personal y emprendizaje 20  2018/03/12  2018/03/22 Iniciativa personal y emprendizaje 20  2018/04/16  2018/04/26           TXORIERRI CAD 3D A TRAVÉS DE CATIA V5 R16-A 45 2018/01/22 2018/02/08 TEBIS CAD-CAM V4.0R01 Nivel I 45  2018/03/05  2018/03/22           MARISTAK Autocad 2017 45  2018/02/07  2018/03/13 Ofimatica avanzada   Hoja de cálculo – Base de datos 45  2018/03/12  2018/04/24           ZULAIBAR Diseño CAD-CAM en 3D 45  2018/04/10  2018/04/25 CNC control Heidenhain 45  2018/05/07 2018/05/23            SALESIANOS DEUSTO Cálculo de Elementos Finitos: NX NASTRAN  35  2018/04/09  2018/04/26  IPC-A-610: ACEPTABILIDAD DE ENSAMBLES ELECTRÓNICOS (CIS). 22  2018/02/19  2018/03/05  IPC 7711/21: RETRABAJO, MODIFICACIÓN Y REPARACIÓN DE ENSAMBLES ELECTRÓNICOS (CIS)  36  2018/02/19  2018/03/06           SAN VIATOR Curso de mecánica de motos (Motores, Carburación e Inyección) 45  2018/02/07  2018/02/16 Curso de mecánica de motos (Refrigeración, Transmisión, Encendido, Escape y Frenos) 45 2018/02/27  2018/03/13            OTXARKOAGA Peritaje de Automóviles 45  2018/03/05  2018/03/22 Soldadura con Acero Inoxidable 45  2018/03/26  2018/04/05           SOMORROSTRO Tecnología de Piping en proyectos de plantas industriales 30  2018/03/12  2018/03/23 Diseño 3D de plantas industriales con AVEVA PDMS 43  2018/05/07  2018/05/18 TEKLA Structure 45  2018/02/26  2018/03/08           JESUITAK INDAUTXU (QUÍMICA) Diseño e impresión en 3D 33  2018/04/09 2018/04/25  Técnicas de inmunodetección 30  2018/05/07  2018/05/17 Cultivos celulares 30  2018/04/16 2018/04/26     

Aste honetan HETEL international Novo Meston (Eslovenian) da, SIMPLE proiektuko kideekin batera. Erasmus+ proiektu honen helburua Peer Learning tekniken erabileraren praktika egokien partekatzea da, etorkin eta errefuxiatuak Europako LH sistemetan hobeto integratu daitezen. Egun hauetan zehar, gure erakundeetan pertsona guztiak barnean sentitu daitezen erabiltzen ditugun metodoak partekatzeko aukera izan dugu, ikasle etorkinei emandako laguntzari arreta berezia jarriz. Esparru honetan, gure Esloveniako kidearekin (Grm Novo Mesto) lan egiten duten profesional batzuekin izateko aukera izan dugu, hauek hizkuntzarekin edo gizarte integrazioarekin arazoak dituzten ikasle etorkinei laguntza ematen diete. Oso aberasgarria izan da eragile ezberdinak gizarte hobe baten alde lanean aritzen direla ikustea, askotan borondatezko langileak izanik. Oso abantean iruditu zaigu!