Kategoria: Albisteak

Pasadan asteartean HETELek koordinatutako LAIT 4.0 Erasmus+ proiektuaren emaitzak aurkeztu ziren IK4-TEKNIKERren egoitzan. IK4-TEKNIKER kide klabea izan da proiektu honetan. Jardunaldi honetara Lanbide Heziketako arlo ezberdinetako (fabrikazio mekanikoa, automatizazioa, elektronika,…) 14 irakasle eta 60 ikasle hurbildu ziren. Jardunaldian honako gai hauek azaldu ziren: industria 4.0 zer den, ekarri duen negozio ereduen aldaketa eta honek, etorkizuneko langileak prestatu ahal izateko Lanbide Heziketan nola eragiten duen, ikasketetako edukietan edo ikasteko metodologietan, adibidez. Jardunaldiaren programa web gunean ikus daiteke (berrien atalean): www.lait40.eu . Honetaz gain, proiektuan garatu diren material guztiak webgunean eskuragarri dituzue, “intelectual outputs” atalean.  

Robotikako adituen lehenengo promozioko ikasleek hasi berri dute “Ekoizpen-bitartekoen kudeaketa automatizazio altuko industrian” espezializazio ikastaroa, Automotive Intelligence Centre-k (AIC) Boroan dituen instalazioetan. Prestakuntza honek alor honetan enpresek duten kualifikazio handiko pertsonen beharrari erantzuten dio. Hilabete hauetan ikasleek Robotikako prestakuntza espezializatua jasoko dute erronken bidezko metodologia aktibo eta kolaboratiboa erabiliz. Irakasle taldearekin batera enpresetako adituak parte hartu dute erronka hauen definizioan. Lanbide Heziketako 8 ikastetxetatik (Txorierri, Maristak, Somorrostro, Salesianos Deusto, Lea Artibai, Egibide, MGEP eta Bidebieta) datozen 12 ikasle hauek prestakuntza prozesua enpresa ezberdinetan jarraitzen dute: Robótica, Irudi, Ingemat, Dibal, RPK, Pierburg, Inauxa, Cikautxo, PMG Polmetasa eta Nemak. Ikasleak Txorierri Politeknika Ikastegian daude momentu honetan prestakuntza jasotzen. Prestakuntza hau Lanbide Heziketako Sailburuordetzaren eta Lanbideren laguntza jasotzen du. Zorte on guztiei! Abantean!

Aurreko udan MobiliTeach uda eskolaren lehen esperientzia pilotua izan genuen Bolonian (Italia). Eskola honen helburuak mugikortasunaren kudeaketa hobetzea eta ikasleak nazioarteko esperientzia batetarako ondo prestatzea dira. Lehen esperientzia honetan 21 Lanbide Heziketa irakasle eta mugikortasun arduradunek parte hartu zuten, Eslovenia, Italia, Euskadi, Alemania eta Frantziatik etorritakoak. Aste honetan proiektuko kideak Portugalgo Ourém herrian egin dute bilera lehenengo esperientziaren emaitzak baloratzeko, partaide guztien ekarpenak jaso ondoren. Helburua Frantzian hurrengo urtean izango den udako eskolaren esperientzia hobetzea da. Lehenengo edizioaren programa eta emaitza batzuk proiektuaren web gunean eskuragarri daude www.mobiliteach.net Hurrengo uda eskolaren berri web orrialde honen bidez emango dizuegu!

Urtean behin, Network of Networks (NoN) sareak bilera egiten du partaideren baten egoitzan, Lanbide Heziketaren arloan sareko kide diren estatu eta herrialdeetan (Finlandian, Herbehereetan, Ipar Irlandan, Eskozian eta Euskal Autonomia Erkidegoan) lantzen ari garen bide berriei buruzko informazioa partekatzeko, baita eskualdeko/estatuko sareak osatzen dituzten ikastetxeen arteko lankidetza modu berrien inguruan hitz egiteko ere. Aurtengo topaketa aste honetan egin da HETELeko kide den Otxarkoaga Prestakuntza Zentroan. Asteartean eta asteazkenean LHko ikastetxeetako 34 irakaslek eta koordinatzailek batera landu zituzten hainbat gairen inguruko proiektuetarako ideiak: LHko irakasleentzako gaitasun berriak, energia eraginkortasunaren arloko proiektu teknologikoak, LH industrialean genero berdintasuna sustatzea edo 4.0 gaitasunak profesional berrientzat. Gainera, aipatutako herrialdeetako irakasleek HETEL Abantean ikastetxeetako batzuk bisitatzeko aukera izan zuten: Nazaret Zentroa (Donostia), enplegurako eta ekintzailetzarako prestakuntzari buruz ikasteko; Egibide (Gasteiz), lankidetzako ikaskuntzaz eta goi mailako hezkuntza erakundeekiko lankidetzaz gehiago jakiteko; eta Somorrostro (Muskiz), proiektu teknologikoak eta enpresekiko lankidetza zertan diren ikusteko. Datorren urtean Ipar Irlandan bilduko da NoN, Lanbide Heziketa hobetzen jarraitzeko. Bien bitartean, Bilboko gure topaketan zehaztu genituen ideiak lantzen jarraituko dugu!

Trokelgintzako adituen hirugarren promozioko ikasleek hasi berri dute “Trokel diseinua eta fabrikazioa, xafla metalikozko piezak eskuratzeko” espezializazio ikastaroa, Gestamp Technology Institutek Boroako AIC-n dituen instalazioetan. Hilabete hauetan ikasleek trokelgintza arloko prestakuntza espezializatua jasoko dute erronken bidezko metodologia aktibo eta kolaboratiboa erabiliz. Irakasle taldearekin batera enpresetako adituak parte hartu dute erronka hauen definizioan. Lanbide Heziketako 7 ikastetxetatik (Txorierri, Maristak, Somorrostro, Zulaibar, Salesianos Deusto, Elorrieta Errekamari eta Mungia) datozen 18 ikasle hauek beraien prestakuntza prozesua automozio sektoreko enpresa ezberdinetan jarraitzen dute: Gestamp, Matrici, Batz, Cie automotive, Irudi eta Garita. Prestakuntza hau Lanbide Heziketako Sailburuordetzaren eta Lanbideren laguntza jasotzen du. Zorte on guztioi! Abantean!

HETELek gizartearekiko duen konpromisoari helduz Adecco Fundazioarekin lankidetza hasi berri du. Lankidetza honen helburua, desgaitasuna duten HETEL ikastetxeetako erdi eta goi mailako heziketa zikloetako ikasleei onurak ematea da. Onura hauek Durangoko Maristak ikastetxean azaldu ditugu gaur goizean, hala nola, Lan Praktikak edo Lanbide Heziketa Duala egiteko enpresak bilatzea, lanerako bitartekotza, ikasleen arreta, irakasleentzako prestakuntza desgaitasunaren alorrean eta desgaitasunak dituzten pertsonentzat beka berezien deialdia. Honetaz gain, balio erantsia ekar ditzaketen bestelako ekimenetan parte hartzearen alde agertu dira erakunde biak.

Aurreko astean SIMPLE Erasmus+ KA2 proiektuaren bostgarren bilera izan genuen. Lanbide Heziketaren alorrean, errefuxiatu eta etorkinen integrazioari dagokien praktika egokiak ezagutzeko proiektua da hau. Bilera honetan Örkelljungako ikastetxea ezagutzeko aukera izan genuen. Ikastetxe honetan errefuxiatu eta etorkinak Suediar hizkuntza ikastaroa jasotzen dute lehenik eta behin, ondoren Lanbide Heziketaren bitartez pertsona hauek lan merkatuan eta gizartean integratzen dira. Oso aberasgarria izan zen bertako ikasle batzuen esperientzia eta integrazio prozesua lehen eskutik ezagutzea. Hurrengo bilera Elazig herrian izango da, Turkian. Bertan etorkizun hobe baten bila heltzen diren ehundaka Siriarren etorrera nola kudeatzen duten ezagutuko dugu. Informazio gehiago Facebook orrialdean: https://www.facebook.com/Erasmus-Simple-127539074624703/

Abuztuaren 27 eta 28an, Mikel Astorbieta eta Felipe Blanco, Bilboko Zabalburu ikastetxeko irakasleak, Finlandiako Porvoo eta Lahti herrietako Point College eta Salpaus Lanbide Heziketako ikastetxeak bisitatu zituzten. Bertan, ikastetxe hauetako langileekin hezkuntza esperientziak partekatu zituzten eta metodologia alorreko praktika onak bertatik bertara ezagutu zituzten. HETELen Erasmus mugikortasun beka honi esker, bertako ikastetxeetako arduradunekin batera, ikastetxe bi hauen instalazioak ezagutzeko, teknika eta metodologia ezberdinen berri izateko eta Porvoo hiri historikoa eta Lahtiko negu-kiroletako instalazioak bisitatzeko aukera izan zuten.

HETEL ikastetxeek arlo profesional ezberdinetan hainbat plaza eskaintzen dituzte:        Administrazioa eta kudeaketa        Arte grafikoak        Elektrizitatea eta elektronika        Fabrikazio mekanikoa        Informatika eta komunikazioak        Instalazio eta mantenimendua        Ostalaritza eta turismoa        Segurtasuna eta ingurugiroa        Elikagaien industriak        Zurgintza eta altzarigintza Ez galdu aukera hau eta geratzen diren plazetan izena eman ezazu! Dauden plaza libreak ezagutzeko, zuzenean HETEL ikastetxeetara deitzea gomendatzen dizugu. Hauen datuak esteka honetan eskuragai dituzue: https://web.somoscaidalibre.com/index.php/eu/ikastetxeak

Mobiliteach Summer School mugikortasunaren alorreko uda eskola sortzea helburu duen Erasmus+ proiektua da, bertan arlo horri lotutako atal ezberdinak lantzeko: kultura aniztasunean prestakuntza, administrazio kudeaketa eta lanpostuko ikaskuntza atzerrian. Proiektuaren lehenengo urtean, Mobiliteach Summer School uda eskolaren lehenengo edizioa eman ahal izateko, Italia, Belgika, Eslovenia, Portugal eta Euskadiko bazkideak, programa bat diseinatu eta hau emateko materialak garatu ditugu. Lehen edizio hau Bolonian (Italia) egin zen ekainaren 25etik 29ra bitartean. Lehenengo esperientzia honetan 25 partaide izan ziren eta herrialde horietako 9 irakasle. Astean zehar prestakuntza ekintzaz gain, enpresa eta erakunde ezberdinak bisitatu ziren. HETELetik 3 irakasle izan ziren partaide Boloniako uda eskola honetan, eta beraien iritziak jaso ditugu: “Niretzako esperientzia hau ikasteko modu ezberdin bat izan da, nazioarteko testuinguru batetan egiteak duen balore erantsiarekin” (Rosa Nuñez, Zabalburu Ikastetxeko irakaslea). “Udako eskolak irakasle moduan nire motibazioa handitzea ekarri du, eta kulturarteko trebetasunak garatzea” (María Pando, Indautxuko Kimika Eskolako irakaslea). “Udako eskolatik nire ikasleekin erabiliko ditudan tresnak ekarri ditut eta kontaktu interesgarriak ere, ikasleak atzerrian lan praktikak egin ditzaten” (Lorea Garitagoitia, Goierri Eskola). Udako lehen eskola honetan irakaslea izan den Tamara Rodriguezek, HETELen nazioarteko proiektuen arduradunak, azpimarratu du “partaideen jarrera positiboa eta partehartzea ekintza guztietan”. Hurrengo uda eskola Bordelen (Frantzia) izango da. Proiektuaren web gunean programa eta argazki batzuk eskuragarri dituzue: https://mobiliteach.net/