Gaur Politeknika ikastegia Txorierri, Deustoko Salestarretan eta Somorrostro ikastetxean emango den “Ekoizpen-bitartekoen kudeaketa automatizazio altuko industrian” espezializazio ikastaroaren bigarren edizioa hasi berri da. Hurrengo 5 hilabeteetan ikasleek Lanbide Heziketa Duala egingo duten enpresetan izango dira. Irailetik aurrera, robotika arloko prestakuntza espezializatua jasoko dute erronken bidezko metodologia aktibo eta kolaboratiboa erabiliz, enpresako egonaldiarekin batera. Lanbide Heziketako ikastetxeetako irakasle taldearekin batera enpresetako adituak parte hartu dute erronka hauen definizioan. Lanbide Heziketako 6 ikastetxetatik (Txorierri, Maristak Durango, Somorrostro, Salesianos Deusto, Lea Artibai eta Egibide)) datozen 14 ikasle hauek beraien prestakuntza prozesua ondoko enpresa ezberdin hauetan jarraitzen dute: Accenture, inser Robótica, Estampaciones Rubi, Ingemat eta Mubea Inauxa. Prestakuntza hau Lanbide Heziketako Sailburuordetzaren eta parte hartzen duten enpresen finantzazioa jasotzen du. Zorte on guztioi! Abantean!
Kategoria: Albisteak
Adi, prest, abantean!
Egunotan egin dira aurtengo oinarrizko, erdi mailako eta goi mailako lanbide heziketako 125 Erasmus+ HETEL bekadunei zuzendutako hitzaldiak; jatorrizko herrialdeei buruzko informazioa, atzerrian egingo duten egonaldiaren gaineko gomendioak eta Erasmusen dokumentazioari buruzko argibideak emateko. Guztia prest dago erdi mailako 39 ikaslek eta goi mailako 70ek Europako 8 herrialde ezberdinetan 13 asteko praktikaldia egiteko, eta oinarrizko Lanbide Heziketako ikasleen kasuan, Italian 4 astekoa. Bizipen ahaztezina opa dizuegu!
HETELen txosten batek agerian jarri du industriaren alorreko prestakuntza zikloetako bere ikasleek ia % 100eko laneratze tasa dutela
Txostenak argi eta garbi erakusten du, industriaren sektoreko prestakuntza zikloetan, laneratze tasa ia % 100ekoa dela. Prestakuntza ziklo guztietan, berriz, batez besteko laneratze tasa % 80koa da, ikasketak amaitu eta sei hilabetetara. Laneratze tasa errealari dagokionez, honako hauek dira ehunekorik handiena duten zikloak: sistema elektrotekniko eta automatizatuak, produkzioaren programazioa fabrikazio mekanikoan, mekatronika industriala, mantentze-lan elektrikoak eta robotika industriala goi mailako zikloen kasuan, hauek guztiak %90etik gorako laneratze tasa dutelarik; eta Soldadura eta galdaragintza, erizaintzako zaintza osagarriak eta mekanizatua erdi mailakoetan, guztiek % 80etik gorako lan munduko laneratze tasa dutelarik. Txostenak eskaintzen duen beste datu interesgarri bat da graduatu diren ikasleen % 83k beren prestakuntzarekin bat datorren enplegu batean lan egiten dutela. Nolanahi ere, txostenak aurreko urteetako joera irmoa berresten du, eta industriaren alorreko zikloek emakumeen ehuneko minimoa islatzen jarraitzen dute. Hala, industria ikastaro bat egitea aukeratzen duten emakumeen ehunekoa % 6 edo % 7 ingurukoa da. “Ehuneko hori geldirik mantendu da azken 10 urteetan”, azaldu du Julen Elgetak, HETELeko lehendakariak. Ziklo batzuetan emakumezkoen hegemonia nagusitu arren −estetika eta edertasuna, ile apainketa, jarduera komertzialak, ehunezko eta larruzko artikuluen konponketa (% 100), haur hezkuntza (% 95) edo erizaintzako zaintza osagarriak (% 88) −, beste ziklo batzuetan, emakumezkoen presentzia anekdota hutsa da, eta hori kezkatzeko moduko gaia da, horiek baitira enplegu indizerik handiena duten zikloak. Era berean, Euskal Lanbide Heziketa Dualak enplegua bilatzeko orduan duen eraginkortasuna azpimarratu du azterketak. Inkestatik argi eta garbi ondoriozta dezakegu, ia prestakuntza ziklo guztietan, kasuan kasuko modalitatea amaitu eta sei hilabetetara, lan munduko txertaketa nabarmen handiagoa dela gainerako ikasleen batez bestekoa baino.
Zer ikasi nahi duzu datorren ikasturtean?
Erabaki horretan laguntzeko, gure ikastetxeen Lanbide Heziketako ate irekien jardunaldietan parte hartzera gonbidatzen zaitugu. Ikastetxeen prestakuntza eskaintza, proiektuak, instalazioak…ezagutzera etor zaitezke urtero antolatzen ditugun ate irekien jardunaldietan. Data zehatzak taula honetan kontsultatu ditzakezu:
SIMPLE proiektuaren 5. Nazioarteko bilera
Pasadan astean SIMPLE proiektuko taldekideak Turkiako Elazig hirian bildu ginen, proiektuko herrialde ezberdinen artean (Alemania, Euskadi, Turkia, Suedia eta Eslovenia) etorkinen harrerari, laguntzari eta integrazioari loturiko praktika egokiak partekatzeko. Honetaz gain, Elazig hiriko Lanbide Heziketako ikastetxe bat bisitatu genuen eta Afganistan eta Irakeko bi ikasle ezagutu genituen. Ikasle bi hauek beraien istorioak gurekin partekatu zituzten. Ondoren, Elazig hiriko Hezkuntza Sailako kideek, agintariek etorkinen harreran nola laguntzen duten azaldu ziguten, pertsona hauek ongi etorriak eta Turkiako gizarteko kide sentitu daitezen. Bilera honetan, proiektuan orain arte ikasitakoa hizpide izan genuen, eta batera egin ditzakegun ondorengo urratsen gaineko gogoeta ere egin genuen, orain arte SIMPLE proiektuari esker ikasitakoaz baliatuz.
SIMPLE proiektuaren 5. Nazioarteko bilera
Pasadan astean SIMPLE proiektuko taldekideak Turkiako Elazig hirian bildu ginen, proiektuko herrialde ezberdinen artean (Alemania, Euskadi, Turkia, Suedia eta Eslovenia) etorkinen harrerari, laguntzari eta integrazioari loturiko praktika egokiak partekatzeko. Honetaz gain, Elazig hiriko Lanbide Heziketako ikastetxe bat bisitatu genuen eta Afganistan eta Irakeko bi ikasle ezagutu genituen. Ikasle bi hauek beraien istorioak gurekin partekatu zituzten. Ondoren, Elazig hiriko Hezkuntza Sailako kideek, agintariek etorkinen harreran nola laguntzen duten azaldu ziguten, pertsona hauek ongi etorriak eta Turkiako gizarteko kide sentitu daitezen. Bilera honetan, proiektuan orain arte ikasitakoa hizpide izan genuen, eta batera egin ditzakegun ondorengo urratsen gaineko gogoeta ere egin genuen, orain arte SIMPLE proiektuari esker ikasitakoaz baliatuz.
Telekomunikazio Zikloko 55 ikaslek lan ingurune bat simulatzen duen Share ikastetxe arteko proiektuan dihardute
Otsailaren 5ean HETELeko bost ikastetxetako (Zabalburu, Txorierri, Deustuko Salestarrak, Egibide eta Somorrostro) Telekomunikazio eta Informatika Sistemen heziketa Zikloko 55 ikasle bildu ditugu Euskaltelen egoitzan, Derion, SHARE ikastetxe arteko proiektua aurkezteko helburuz. Hilabete eta erdian erronka bati aurre egin beharko diote 55 ikasleek: taldetan egingo dute lan, ikastetxe bakoitzean zenbait aplikazio zerbitzari instalatzeko, hainbat egoitza dituen enpresa bat simulatuz. Hala, hainbat egoitzatan kokaturiko enpresa simulatu baten sare korporatiboa garatuko dute, eta horretarako Euskaltelen laguntza izango dute. Euskaltelen egoitzan, Derion, 11:00etan hasitako jardunaldi baten esparruan gauzatu da SHARE proiektuaren edizio honetako aurkezpena. Euskaltel taldeko Iban Madariagak, bezeroen ingeniaritzako arduradunak, honako hitzaldi hau eskaini die ikasleei “IKTetako gaitasunak: etorkizunerako begirada bat”, Julen Elgeta, HETELen Lehendakariaren hasiera bukatzean. Azkenik, SHARE proiektuaren koordinatzaileak, Eder Gómezek, proiektuaren berri eman die parte hartzaileei. Horrez gain, konpainiaren teknologia eta Datuak Prozesatzeko Zentroa bisitatzeko aukera izan dute bertaratuek, Cristina Grijalbaren eta Iratxe Perezen eskutik. HETELetik Euskaltelen lankidetza eskertzen dugu eta ikasleak, erronkaren ebazpena arrakastatsua izan dadin, proiektuan inplikatzera animatzen ditugu. Abantean!
HETEL proiektuen azokaren seigarren edizioa, abantean!
HETELen ezagutza partekatzearen garrantziaz jabetuta, proiektuen azokaren seigarren edizioa antolatu dugu. Ekimen hau beTEKu – berrikuntza teknologikoaren kudeaketa taldetik bideratuta dago. Edizio honetan Lanbide Heziketako 7 ikastetxek (La Salle Berrozpe, Txorierri politeknika ikastegia, Egibide, Zulaibar, Goierri eskola, Lea Artibai ikastetxea eta San Viator) eta HETELek zeharkako, fabrikazio mekanikoko, elektrizitatea eta elektronikako, automatizazioko eta automozioko 13 berrikuntza proiektu aurkeztu dituzte (adibidez: coaching eskolan, Inmoov-FPGA, fabrikazio gehigarria edo cyvetsecurity proiektuak). Honetaz gain, 2 ikastetxek, Nazaret eta Txorierrik, beraien esperientziak partekatu dituzte ingelesaren erabilera heziketa zikloetan gaiari loturikoak. HETEL proiektuen azoka Lanbide Heziketako ikastetxeen arteko ezagutza eta, aldi berean, hauen arteko lankidetza eta elkartrukea sustatzeko antolatzen da. Ekitaldian 35 pertsona inguru izan dira eta balorazioa oso positiboa izan da.
EFVETen Zuzendaritza Batzordea Maltan izan du bilera
Alfredo Garmendia (San Viator- HETEL) Maltan izan da asteburu honetan Europako Lanbide Heziketako EFVET elkartearen Zuzendaritza Batzordearen bileran, bertako Mcast (www.mcast.edu.mt) ikastetxean. Bilera honetan erakundearen antolakuntzaren gaur egungo egoera aztertu eta plangintza estrategiko berria aurkeztu da.
Diseinua International (e-MOTIVE) proiektuaren hirugarren edizioa
Ikasturte honetan, berriz ere, HETELen eta ROC Da Vinciren artean Diseinua International lankidetza jarriko da martxan, e-motive metodologiari jarraituz eta BBK Fundazioak eta Vital Fundazioak babestuta. Aurtengo edizioan, HETELeko Egibide, La Salle Berrozpe, Zulaibar eta Somorrostro Lanbide Heziketa ikastetxeek eta Holandako ROC Da Vinci ikastetxeak hartuko dute parte. Ikasleek aste honetan ezagutu dute elkar, Euskadin, eta taldeak dagoeneko jardun bizian ari dira, irakasleek aurten proposatutako erronkari aurre egiteko: harizpiak egiteko makina bat diseinatzea, lehengai gisa plastikoak erabiliz. Gero, harizpi horiek 3D inprimagailuetan erabiliko dira, besteak beste. Proiektuan parte hartzen dutenek, proiektu bat aurrera ateratzeko elkarlanean aritzen ikasteaz gain, funtsezkoak diren beste trebetasun eta gaitasun batzuk ere barneratuko dituzte, hala nola ingelesa menderatzea, kultura anitzeko taldeetan lan egitea, independentzia eta autokudeaketa. Erronkari emandako irtenbidea irakaslez eta enpresaz osatutako epaimahai baten aurrean aurkeztuko da martxoan, Holandan. HETELen poz-pozik gaude beste ikasturte batean lan metodologia horrekin aurrera jarraituko dugula ikusita.