Kategoria: Albisteak

UNISERek koordinatutako Erasmus+ MobiliTeach proiektua hil honetan amaituko da. Proiektuaren helburua irakasleak trebatzea izan da, haiek ere beren ikasleei prestakuntza eman diezaieten nazioarteko inguruneetan lan egiteko, dela atzerriko esperientzien bidez, dela nazioarteko lantaldeetan parte hartuz. Horretarako, peer to peer eta esperientzia bidezko ikaskuntzan oinarritutako udako eskola bat sortu genuen. Eskola ez da urtero herrialde berean eman; horrek atzerriko profesionalekin harremanetan jartzeko aukera eman die Italiako, Euskadiko, Frantziako, Alemaniako eta Esloveniako irakasleei, nazioarteko esperientzia baten bidez. Proiektu horren barruan, udako bi eskola egin ditugu: bata Bolonian (Italia) eta bestea La Rochelen (Frantzia), honako eduki hauekin: Kulturarteko komunikazioa eta autoezagutza. Mugikortasun proiektuen kudeaketa. Praktikak atzerriko enpresetan. Udako eskolaren kontzeptua erabiltzen jarraituko dugu, irakasleei hainbat arlotako nazioarteko prestakuntza eskaintzeko. Bisitatu proiektuaren webgunea, ekarriko dizkizugun aukeren inguruan egunean egoteko! www.mobiliteach.net

Bizkaiko Metalgintzako Enpresen Federazioak (FVEMk) Bilbon antolatutako Erasmus+ «People in Work Based Learning» proiektuaren bigarren bileran, eredu bat zehaztu genuen, Esloveniako, Italiako eta Espainiako Lanbide Heziketako sistemetan ECVET esparru teknikoa enpresako ikaskuntzara transferitzeko. Aste honetan, irakasle eta enpresentzako prestakuntza ekintza bat ari gara egiten Kranj-en (Eslovenian), eredua transferitzeko eta esperientzia pilotu bat antolatzeko. Esperientzia hori 2020ko otsailean hasiko da, eta proiektuaren inguruko herrialdeetako 30 enpresak hartuko dute parte. Sortu ditugun eredua eta tresnak, bai eta esperientzia pilotuaren emaitzak ere, 2020an egongo dira eskuragarri, proiektuaren webgunean: http://people-in-wbl.com/ .

“Ekoizpen-bitartekoen kudeaketa automatizazio altuko industrian” espezializazio programari hasiera eman zaio gaur Politeknika Ikastegia Txorierrin. Parte hartzen duten ikasleek, hilabete hauetan zehar robotikaren alorreko prestakuntza berezitua jasoko dute, erronka bidezko metodologia kolaboratiboa erabiliz. Ikasle hauek taldean lan eginez ebatzi behar dituzten erronken definizioan enpresetako adituek parte hartu dute, HETELeko 3 ikastetxetako irakaslez osatutako lantaldearekin batera (Salesianos Deusto, PI Txorierri eta Somorrostro). Prestakuntza 3 ikastetxe hauetako instalazioetan izango da. Lanbide Heziketako 6 ikastetxetako (Salesianos Deusto, Txorierri, Somorrostro, Maristak, Lea Artibai eta Egibide) 14 ikaslek parte hartzen dute proiektu honetan. Ikastaroa jasotzeaz gain, ikasleek beraien prestakuntza prozesua enpresa hauetan jarraitzen dute: Inser robótica, Rubi, Ingemat, Accenture eta Mubea Inauxa Prestakuntza hau Lanbide Heziketako Sailburuordetzaren, enpresen eta Bankia Fundazioaren laguntza jasotzen du. Zorte on guztioi! Abantean!

“Trokelen diseinua eta fabrikazioa, xafla metalikozko piezak eskuratzeko” espezializazio ikastaroari hasiera eman diogu gaur Politeknika Ikastegia Txorierrin. Parte hartzen duten ikasleek, hilabete hauetan zehar trokelgintzaren alorreko prestakuntza berezitua jasoko dute, erronka bidezko metodologia kolaboratiboa erabiliz. Ikasle hauek taldean lan eginez ebatzi behar dituzten erronken definizioan enpresetako adituek parte hartu dute, HETELeko 4 ikastetxetako 9 irakaslez osatutako lantaldearekin batera (PI Txorierri, Maristak, Somorrostro eta Salesianos Deusto). HETELek Bizkaian estrategikoa den trokelgintzako sektorearekin harreman estua dauka, ACICAE klusterrak antzemandako prestakuntza eta kontratazio beharrizanei erantzuna ematen saiatzen garelarik. Proiektu honetan Txorierri, Egibide, Elorrieta Errekamari eta Mungiako Lanbide Heziketa ikastetxeetako 8 ikaslek parte hartzen dute. Ikastaroa jasotzeaz gain, ondorengo enpresetan jarraitzen dute beraien prestakuntza prozesua: Estampaciones Rubi, RPK, MB Tooling, Federtek eta ITP. Prestakuntza hau Lanbide Heziketako Sailburuordetzaren, enpresen eta Bankia Fundazioaren laguntza jasotzen du. Zorte on guztioi! Abantean!

HETELek beste ikastetxe elkartekide bat izango du 2019-2020 ikasturtean: Sopeña (Bilbo). Ikastetxe berriak bost heziketa ziklo ditu, eta turismoari lotutako zikloen sorta ekarriko du HETELera. Bestalde, beste hiru ikastetxe lagun izango ditu HETELek: Mariaren Lagundia (Bergara), Santa Maria Artagan (Bilbo) eta Xabier Ikastetxea (Portugalete). Lanbide Heziketako ikastetxe hauek kontuan hartuta, HETELek 25 ikastetxe elkartekide izango ditu, gehi 5 ikastetxe lagun. Guztien artean 36 lanbide arlo eskaintzen dituzte, eta Lanbide Heziketako 10.000 ikasle ari dira horietan ikasten.  

Mobiliteach Summer School Erasmus+ proiektuak Lanbide Heziketako mugikortasunari buruzko uda eskola sortzea du helburutzat, gai honi dagozkion arlo ezberdinak lantzeko: kultura aniztasuna, kudeaketa administratiboa, antolaketa eta lantokiko prestakuntza atzerrian. Proiektu honen lehenengo urtean zehar Italia, Belgika, Eslovenia, Alemania, Portugal eta Euskadiko bazkideek, 2018ko ekaineko 25etik 29ra Bolonian (Italia) izan zen lehenengo Mobiliteach Summer School uda eskolako programa eta honi egokitutako materialak garatzeko lan egin genuen. Pasadan urtean jasotako feedbacka kontuan hartuta, uztailean bigarren MobiliTeach uda eskola antolatu dugu La Rochellen (Frantzia). HETELetik bi irakaslek parte hartu dute bigarren edizio honetan: Zulaibarreko Karmelo Usategi eta Egibideko Izaskun Arratibel. Tamara Rodriguezek, uda eskolako irakasle eta HETELen Nazioarteko proiektuen arduradunak “parte hartzaileen jarrera ona, motibazioa eta ekintza ezberdinetan izandako inplikazioa“ azpimarratu ditu. Bolonia eta La Rochelleko Mobiliteach Summer School hauen programa, materialak (eta argazki dibertigarri batzuk!) proiektuaren web gunean eskuragarri dituzue: https://mobiliteach.net/

Eusko Jaurlaritzako Industria, Berrikuntza, Merkataritza eta Turismo Sailak, Basque Trade & Investment agentziaren bitartez, atzerrian praktikak egiteko “Global Training” izeneko beka-programa jarri du martxan. Programa horren bidez, Euskadiko gazteak atzerrira irtetea ahalbidetzen da. HETEL – Heziketa Teknikoko Elkarteak, Confebaskek, Txorierri politeknika ikastegia eta Adegik, 60 Global Training beka kudeatuko dituzte aurten, Goi mailako Lanbide Heziketako eta Unibertsitateko tituludunei zuzenduak. Beken iraupena 6 hilabetekoa izango da eta dotazio ekonomikoa 1.400€-koa izango da hilabetero. Aukeratutako bekadunak azaroan joango dira Alemania, Belgika, Brasil, Txile, ABE, Frantzia, Grezia, Herbehereak, Hungaria, India, Indonesia, Irlanda, Israel, Mexiko, Panama, Polonia, Erresuma Batua, Txekiar Errepublika, Errumania, Hego Amerika eta Sri Lanka…edo bestelako herrialdeetara Global Training beketan izena emateko epea uztailak 15etik irailak 13ra arte irekita egongo da (goizeko 12:00ak arte!) … Eman orain zure izena! Informazio gehiago: http://www.global-go.net Aurreko urteko Global Training bekadun batzuk beraien esperientzien berri ematen dute bideo honetan: https://youtu.be/Qfcamh-XpBQ  

Uztailak 4an HETELek Alfonso X jakintsuaren orden zibilaren Ohore Plaka jaso zuen Isabel Celaá Hezkuntza Ministroaren eskutik. Hezkuntza eta Lanbide Heziketako Ministroak, Isabel Celaak, aitorpen hauen banaketa ekitaldian “hezkuntza gizartearen petrolioa dela eta gizakien garapena, berdintasuna eta garapen ekonomikoa laguintzen dituela” azpimarratu zuen. Isabel Celaák ohore plaka eman dio HETEL elkarteari, Lanbide Heziketa hobetzeko egiten duen lana aitortuz, gazteen lan aukerak hobetzeko eta enpresen beharrei erantzuten duten proiektu berritzaileak abian jarriz.   Julen Elgetaren hitzetan “Alfonso X jakintsuaren orden zibilaren aitorpen honek HETELentzat Euskadiko Lanbide Heziketa hobetzeko egindako lanaren onarpena suposatzen du. HETEL hazten dagoen elkartea da, bai ikastetxe kopuruan eta baita lankidetzan, zerbitzuetan, ilusioan eta konpomisoan ere. Estatu mailako aitorpen hau jasotzeak gure gazteen prestakuntza eta enpleguarekin konprometitutako eragile garela bermatzen du eta Lanbide Heziketako erreferente moduan kokatzen gaitu”. Honen hitzetan “HETEL osatzen dugun pertsonak, lan ildo berriak, berrikuntza eta gure ikastetxe eta gazteentzako zerbitzu berriak bilatzen eta sortzen jarraituko dugu”. Azkenik, Hezkuntza eta Lanbide Heziketako ministroari sari hau ematea eskertzen dio, gure lanari emandako bultzada goraipatuz.

HETEL ikastetxeek aurreko urteetan sinatutako hitzarmenez gain, beste 15 akordio sinatu dituzte enpresen epe erdi eta epe luzerako kontratazio beharrizanei erantzuteko helburuarekin. Hitzarmen berriak honako enpresa hauekin sinatu dira: Talleres Estarta, SA GHI Hornos Industriales Novattia Desarrollos, SL MECET, SL Siban Peosa Nortubo Instalaciones Técnicas, SL OHL Servicios Ingesan Ormaurre, SL Curvados Quintin, SA P4Q Electronics, sl Proa Selection Cars, SL Talleres Mecánicos Sopuerta, SL Talleres Secarme, SL Sermain Mantenimiento Industrial, SL Ramon Valmar, SL bbk fundazioari gure esker ona luzatu nahi diogu proiektu honen bitartez enpresen kontratazio beharrizanei erantzuna ematea ahalbidetu bait digu, ikasleen enplegagarritasuna hobetzearekin batera. Abantean!

V. Lanbide Heziketako Euskal Planean jasotzen den helburuetako bat “Lanbide Heziketako ikastetxeak Nazioarteko estrategiak garatu dezaten erraztea eta nazioarteko ekintza eta proiektuetan parte hartu dezaten sustatzea” da. HETE ikastetxeak, kalitatezko Lanbide Heziketaren zutabe legez, nazioarteko alorraren garrantziaz jabetu dira. Gure sareak ematen dituen aukeretaz baliatuz, esperientziak eta informazioa partekatzeko eta arlo honek planteatzen dituen erronkei lankidetzan erantzuteko helburuarekin, lantalde berria eratu da nazioarteko estrategia eta proiektuak lantzeko. Lantaldearen lehenengo bileran, datorren ikasturtetik aurrera helduko ditugun helburu eta jarduera-ildoak definitu dira. Mila esker parte hartu duzuen ikastetxeei. Hurrengo ikasturtean ekingo diogu lanari. Abantean!