Kategoria: Albisteak

   Euskaltel aliatu estrategikoa da HETELentzat, lanbide heziketaren alde egin duen apustuari eta gazteen artean bokazio zientifikoak zabaltzeko emandako laguntzari esker, hertsiki lan egin ahal izan baitugu hainbat proiektutan, besteak beste: SHARE eta e-MOTIVE proiektuetan.    HETELek 2009. urtean jarri zuen martxan SHARE lankidetza proiektua, eta, bertan, HETELen 4 ikastetxetako —Egibide, Zabalburu, Deustuko Salestarrak eta Somorrostro— Telekomunikazio eta Informatika Sistemak zikloko 60 ikasle inguruk hartzen dute parte. Ikasleek taldetan egiten dute lan, ikastetxe horietako bakoitzean zenbait aplikazio zerbitzari instalatzeko, hainbat egoitza dituen enpresa bat simulatuz. Benetako egoeren simulazio horrekin, ikasleek funtsezko zeharkako eskumenak bereganatzen dituzte: talde lana, arazoen ebazpena, lan glokala, hizkuntzak (aurkezpena ingelesez egin dezatela eskatzen zaie) eta abar.   «HETELen, benetako proiektu berritzaileen alde egiten dugu apustu, Euskaltelek babesten dituenen modukoen alde.Share proiektuan, funtsezkoa da Euskaltelekin lankidetzan aritzea, hain zorrotza den LH berri honetan proiektuari ezinbestekoa den balio erantsia emateko.Nazioartekotzearen aldeko apustuarekin batera, Erasmus+ proiektuetan parte hartzera eraman gaitu horrek, adibidez e-MOTIVE izenekoan —fabrikazio mekanikoaren diseinuko Europako hainbat ikastetxerekin antzeko interesak partekatzetik sortu da—. Azken jardunaldia maiatzaren 4an izango da, eta Euskaltelen laguntza baliotsua izango du».    Lankidetza ofizialtzen eta ikusarazten duen akordioa martxoaren 14an sinatu da, Euskaltelek Derion duen egoitzan. Bertan, Euskaltel Konekta Fundazioak gazteen eta Lanbide Heziketaren aldeko apustua azpimarratu du, ekintzailetzaren aldekoa batez ere, ikastetxeekin lankidetza estuan jardunez. Lanbide Heziketa talentua duten pertsonez osaturiko harrobia da, eta, jasotzen duten prestakuntzari esker, horiek ezin hobeto txertatzen dira telekomunikazioen bihotza osatzen duten eremuetan: sarearen hedapenean eta informazio eta berrikuntza teknologikorako sistemetan. HETELekin mantentzen dugun etengabeko lankidetzari esker, LHren egoera aztertu dezakegu eta gizartearekin konektatzen duen erreferentziazko enpresa teknologiko batean beren lanbidea garatu nahi duten pertsonengana hurbil gaitezke.  

   Oraindik ez dago argi hainbat aurrerapen teknologikoren ondorioz enpresetan ikusten ari garena benetako iraultza den.Baina, ziur gaude 4.0. industria delakoak antolamendu-aldaketak nahiz aldaketa teknikoak ekarriko dituela eta LHko ikastetxeok gure ikasleak horietan trebatzeko prestatuta egon behar dugula.    Teknikerren IK4ren eskutik, Erasmus+ programak, beste batzuekin batera, finantzaturiko LAIT 4.0. proiektuaren bidez, HETELeko ikastetxeetako 7 irakaslek, Dundee and Angus College-eko (Eskoziako) 4 irakaslek, APRO Formazione-ko (Italiako) 4 irakaslek, SRC Kauno-ko (Lituaniako) 4 irakaslek eta ROC Da Vinci-ko (Holandako) 2 irakaslek beren ezagutza teknologikoak eguneratuko dituzte, enpresa txikiei eta ikasleei egokitze-prozesu horretan laguntzeko gai izateko.    Azaroaren 24an, ostegunean, eta azaroaren 25ean, ostiralean, proiektuko taldea Maristak (Durango) eta Zabalburu (Bilbo) ikastetxeetan bilduko da, lanean hasteko. Lan bikaina!  

Ikastetxe bakoitzak hizlari bat izango du, eta hark erronkei jarrera positiboarekin aurre egiteko norbere modua helaraziko die ikasleei, “HETEL Abantean” lelopean HETEL Abantean 20 ikastetxeek etorkizunari aurre egiteko partekatzen duten jarrera bat da        20 ikastetxe eta helburu bakar bat:Gazteei lan merkatuko eta, oro har, bizitzako erronka berriei aurre egiteko jarrera positiboa helaraztea.“HETEL Abantean” lelopean Euskadiko Gizarte Ekimeneko Lanbide Heziketako Ikastetxeen Elkartea osatzen duten Lanbide Heziketako 20 ikastetxeek partekatzen duten jarrera bat da, eta gerturatzen ari diren erronka berriei aurre egiteko jarrera eraikitzailea eta konprometitua izango duten ikasleak eta irakasleak bilatzen ditu.Azken finean, ikasleak lan-merkatuari aurre egiteko prestatzeko modu bat da.    HETEL Abantean programa gauzatzeko, HETELeko ikastetxe bakoitzak hizlari bat gonbidatuko du, bere esperientzia pertsonalari eta profesionalari buruzko hitzaldia emateko eta entzuleentzat eredu izateko. Hitzaldi horiek “Student Branding, aukerak ez dira jazotzen, zuk sortzen dituzu” edo “zure etorkizuna eraikitzen” gisako izenburuak izango dituzte. Horretarako, pertsona erreferenteak izango ditugu, hala nola Richard Oribe igerilari paralinpikoa, Eider Merino txirrindularia eta Alex Txikon mendizalea.

   Erasmus+ programak diruz lagundutako Emplovet proiektuaren esparruan, HETELek aste honetan Rumania, Macedonia eta Turkiako 9 irakaslez osatutako talde baten bisita jaso du.   Bisitaren helburua metodologien alorreko atariko prestakuntza bat jasotzea da. Prestakuntza honetan, besteak beste, ikastetxeek erabiltzen dituzten metodologiak, ikasleei ematen dieten arreta eta metodologia hauek lan merkaturatzean daukaten eragin positiboa erakutsiko zaie.    5 egunetan zehar irakasle hauek Euskadiko LH Sistema, ikaskuntza kolaboratiboa, ikastetxe batzuk erabiltzen duten ETHAZI (etekin handiko zikloak) metodologia eta enpresa kulturaren sustapena gaiei buruzko edukiak jasoko dituzte Egibide, Maristak Durango, Somorrostro ikastetxea eta Nazaret zentroaren eskutik. Proiektuaren gaineko informazio gehiago web orrialde honetan eskuragarri daukazue: http://emplovet.eraeurope.ro/  

        INCLUSIVE NET proiektuan ari da HETEL 2015eko urriaz geroztik. Europako Batzordeko Erasmus+ programaren finantza laguntza jasotzen du proiektuak, LHko sistema integratzaileagoak sustatzeko, berariazko arreta ipiniz zenbait arrazoi direla medio ikaskuntza premia bereziak dituzten ikasleengan.        Gure elkarteko partaide den Otxarkoaga Ikastetxea dugu bidaide proiektu horretan, gizarte integratzaileago baten aldeko ahaleginarekin duen konpromisoagatik eta bide horretan metatu duen eskarmentuagatik; besteak beste, beren etorkizun propioa eraikitzeko zailtasun handienak dituztenei lanbide heziketa eskaintzeko egindako lanagatik.          Hezkuntza integratzailearen alorreko jardunbide egokiak trukatu dituzte proiektuaren taldekoek INCLUSIVE NETen bileretan. Finlandiako Porvoo hirian izan dute azken bilera, non tokian tokiko eragileak proiektura nola bildu aztertu duten.           “Nola aplikatu sistema integratzaile bat eskolan eta haren ingurunean” gidan aurkituko dituzue jardunbide egoki eta adibide horiek guztiak. Proiektu taldea ari da prestatzen gida, “urratsez urrats” garatzeko plan gisara.       Proiektuari buruz informazio gehiago nahi izanez gero, jo webgune honetara: www.inclusive-vet.eu    

        Uno de los motores de la actividad de HETEL es el compromiso con la sociedad y el desarrollo económico del País Vasco. En este sentido, con objeto de avanzar en la atención a los desempleados y desempleadas de Euskadi así como a las PYMEs, se ha estructurado el servicio HETELenplegua…cuyo responsable será Pedro Sánchez, del centro formativo Otxarkoaga.          Los 20 centros de HETEL van a aunar esfuerzos en tratar de mejorar la inserción laboral y las oportunidades de los y las jóvenes, así como de las personas en riesgo de exclusión. Al mismo tiempo, trabajará de manera coordinada con las PYMEs tratando de optimizar la respuesta a las demandas de personal cualificado.  

   Euskal Lanbide Prestakuntza berriaren erronkei buruz eztabaidatzea eta irakasleak motibatzea ikasturte berriaren aurrean. Helburu horiekin HETELek 600 irakasle biltzea lortu du irailaren 2an, ostiralean, Gasteizko Europa Jauregian.      2020. urtea helmuga jarrita, HETELek aztergai izan ditu Lanbide Heziketako Sailburuordetzak abian jarritako ekimenen bidez eragiten ari diren aldaketak, ala nola LH Duala, ETHAZI errendimendu handiko zikloetako metodologia, ekintzailetza, internazionalizazioa, enpresentzako zerbitzuak eta abar.      Jardunaldia HETELeko irakasle guztiei zuzenduta egon da, eta Lanbide Heziketako etorkizuneko (jada, ia gaur egungoa) ikastetxe berriaren ezaugarriak eta irakasleen eginkizunak antzematea izan da haren helburu nagusia. Gure eskerrik beroenak honako hauei: –       Oporretan, jardunaldiko aurkezpenak prestatzen egon diren ikastetxeetako lagunei –       Ekitaldian izan diren eta beren ekarpenak eta mezuak utzi dizkiguten ikastetxeetako lagunei –       La Caixari, ekitaldia diruz laguntzearren –       LHko zuzendari Ramón Martínez de Murguiari, jardunaldiari amaiera emateagatik Eskerrik asko eta ikasturte hasiera ona izan dezazuela!     

    Zabalburu Ikastetxeko bi irakaslek Gifhorn udalerriko BBSI LHko ikastetxea bisitatu dute Saxonia Behereko Alemaniako eskualdean, HETELek kudeatzen dituen profesionalen mugikortasunari esker. Bisita horretan, hezkuntza esperientziak partekatu dituzte ikastetxeko langileekin, jardunbide metodologiko egokiak in situ ezagutzeaz gain.       Ikastetxe horretako 2 egoitzetako instalazioak bisitatu eta teknika eta metodologia berriak partekatzeaz gain, irakasleek hiria bisitatzeko aukera izan dute. Esperientzia oso positiboa eta aberasgarria izan da.  

         Eskoziako Dundee&Angus College ikastetxeko 10 irakaslek hainbat HETEL ikastetxe bisitatu dituzte LH ikastetxeen eta enpresen arteko lankidetzaren alorreko esperientziak ezagutzeko asmoz. Honetaz gain, ekainak 15 eta 16an Donostian ospatuko den LHko nazioarteko kongresuan parte hartzeko aukera izan dute.         Astean zehar irakasle talde honek ikastetxe eta enpresen lankidetzaren alorrean esperientzia ezberdinak lehen eskutik ezagutzeko aukera izan du. Aldi berean, ikastetxe ezberdinetan (Somorrostro, Maristak, Lea Artibai eta Goierri) enpresei eskainitako zerbitzuen arloa nola kudeatzen duten ikusi ahal izan dute. Hurrengo ikasturtean bisita bueltatu ahal izatea espero dugu, gai honetan sakontzen jarraitzeko asmoz.          HETELen eta Dundee&Angus College ikastetxearen arteko erlazioa 2014 urtean hasi zen, Europar Batasunak diruz lagundutako ERASMUS+ VOCOLproiektuaren esparruan. Gure lantaldeen arteko erlazio ona ikusita, hau adiskidetasun luze baten hasiera baino ez da izan.    

          El 10 de junio los miembros de los equipos directivos de los centros HETEL realizaron la última reunión del curso en Zulaibar (Zeanuri). El objetivo de la reunión es presentar las conclusiones finales de la revisión de la reflexión estratégica realizada el mes pasado con la participación de todos los centros, así como informar de otros temas relevantes para los centros.           El curso casi ha terminado, pero seguiremos trabajando y ¡volveremos con las pilas cargadas para la HETELtopaketa del 2 de septiembre!